वैशाख 1- काठेखोला गाउँपालिकाको आयोजना र कला, संस्कृति तथा खेलकुद विकास समितिको संयोजन तथा व्यवस्थामा संचालित दोस्रो काठेखोला गाउँपालिका अध्यक्ष कप २०८० को आज अन्तीम दिन भलिवल प्रतियोगिताको फाईनलमा काठेखोला ४ तंग्राम र काठेखोला ७ रेश भिड्दै छ । अन्य खेल तर्फ ब्याडमिन्टन प्रतियोगितामा दुर्गा बहादुर पुन र मीनसागर गुरुङ प्रथम तथा चन्द्र आले र धुर्व पुन द्वितिय ताराखेल प्रतियोगितामा ताराखोला रातो र नीलो प्रथम र द्वितीय बने भने काठेखोला लोकतारामा धम्जाकी अनीता थापा प्रथम, विहुंका राहुल बिक द्वितिय र रेशका राम थापा तृतीय बने नृत्यमा काठेखोला ४, लालीगुराँस ईङलिस वोडिंङ स्कुल र काठेखोला १ क्रमश प्रथम, द्वितिय र तृतीय बने । साहित्य विधा अन्तर्गत गजल वाचन प्रतियोगीतामा गजल श्रष्टाहरु चन्द्र आले प्रथम, प्रतीमान थापा द्वितीय र अस्मिता खरेल कंडेल तृतिय बनेको संयोजक तथा काठेखोला गाउँपालीकाका प्रवक्ता टिका संगम विकले जानकारी दिनुभयो ।