चैत्र २४, काठेखोला – आज यही चैत्र २८ गते देखि सुरु हुने दोस्रो अध्यक्ष कप अन्तर्गतको लोकतारा प्रतियोगिताको अडिसन राउण्ड समपन्न भएको छ । सूर्य घटाने, प्रेम थापा सन्देह र किशोर छन्त्याल रहेको निर्णायकहरुको समूहले २६ गते हुने दोस्रो चरणका लागि १२ जना नवप्रतिभा छनौट गरेको हो ।
छनौट हुनेहरुमा सुरेश सुनार, राहुल वि.क, गंग बहादुर सुनार, राम थापा, मनिष किसान, अनिषा बोहोरा, दिपेश परियार, आशा परियार, सुजन परियार, अनिता थापा, सुदिप किसान, सुजन सागर रहेका छन् । लोकतारा संयोजक दिल बहादुर कार्कीको सभापतित्वमा सम्पन्न कार्यक्रममा प्रमुख अतिथि गाउँ कार्यपालिका प्रवक्ता टीका संगम वि. क, भिन्न भिन्न कार्यक्रमका संयोजक र उपसंयोजकहरु तथा कार्यपालिका सदस्यहरु, वडा अध्यक्षहरू तथा संगीतप्रेमीहरुको बाक्लो उपस्थिति थियो भने सञ्चालन याम दिप थापाले गर्नुभएको थियो ।